Astarada yük maşını aşdı, 56 yaşlı kişi öldü
17:26
9 aprel 2021
Astarada 56 yaşlı kişi yük maşınının aşması nəticəsində ölüb.
APA TV-nin cənub bürosunun verdiyi məlumata görə, hadisə rayonun Marzəsəy kəndində qeydə alınıb. Vüqar Aslanov idarə etdiyi "KamAZ" markalı avtomobillə Sahil Vəliyevin evinə mişardaşı aparan zaman bədbəxt hadisə baş verib.
Belə ki, dağlıq yolda nəqliyyat vasitəsi idarəetmədən çıxıb və aşıb. Nəticədə avtomobilin yük yerində mişardaşlarının üstündə oturan 1965-ci il təvəllüdlü Sahil Vəliyev hadisə yerində dünyasını dəyişib.
Faktla bağlı araşdırma aparılır.
Tural Kərimov
Rövşən Əzimov
APA TV