Ayağımın altındakı oğlanı tapdayıb çıxıdım – Yaralı model partlayış anından danışdı
Aprelin 3-ü gecə saatlarında Bakının mərkəzində yerləşən “Location” klubunda propan qazının sızması nəticəsində anidən baş verən partlayışda yaralananlardan biri də Merlin Rzayevadır. Əlləri, ayaqları və saçları yanan Merlin APA TV-yə partlayış anından danışıb: “Çox təsadüfi oldu. Heç birimiz ora getməyi planlaşdırmamışdıq. Atam xəstədir. Atamın yanından gəlirdim. Rəfiqəm zəng etdi, görüşməli olduq. İçəri girəndən yarım saat sonra hadisə baş verdi. Gülüb-danışdığımız yerdə bir andaca hər şey yox oldu. Duman, qaranlıq, od-alov vardı hər yerdə. Əslində əvvəl elə bildim ki, bütün Azərbaycana nə isə oldu. O anda heç bir ağrı hiss etmədim. Ayaqlarımdan 2-ci dərəcəli yanıq xəsarəti almışam”.
Merlin Rzayevanın sözlərinə görə, partlayiş o qədər güclü olub ki, hər kəs öz canını qurtarmağın hayına düşüb. İnsanlar çoxu yaralı halda yerdə uzanmışdılar: “Özümdən getdim və birdən hiss etdim ki, məni bir oğlan qaldırır, səsləyir. Sevindim ki, insan səsi eşitdim, demək sağam. Məni çıxardanda ayağımın altında bir oğlan var idi, məcbur oldum, tapdalayım keçim. Can şirin şeydir, qaçmalısan ki, sağ qalasan”.
Klubda baş verən partlayış sosial şəbəkələrdə xeyli müzakirələrə səbəb oldu. Yaralanan şəxslər “Ramazan ayında gecə klubunda onların nə işi var” kimi qınaqlara tuş gəldilər. Merlin də qınananlar sırasında idi: “Pis oluram. Çünki bilmədən önyarğılı davranırlar, bir aylıq müsəlmanlar. Orda işçilər, xadimə də oruc idi. Sözsüz ki, onlar iftarını orda edəcəkdilər. Mən də həmin gün oruc idim. Düşündüm ki, sabaha da oruc tutacam, iftarımı orda açdım. Bunun mən olduğum məkana, içki verilən yerə heç bir aidiyyəti yoxdur. Harda oluramsa olum, bir stəkan su da olsa, içəcəkdim. Hər hansı başqa restoranda olsam da, deyəcəkdilər ki, gecə 3-də orda nə gəzirdin? Mən pisəmsə, her yerdə pisəm. Belə insanlar insanı dindən daha da uzaqlaşdırır. Hamı Allahın elçisi olub”.
Qeyd edək ki, partlayışda 37 nəfər xəsarət alıb, 1 nəfər hadisə yerində vəfat edib. Daha sonra xəsarət alan 3 nəfər xəstəxanada həyatını itirib. Bundan başqa, partlayış nəticəsində 14 avtomobil, 1 mənzil və 2 qeyri-yaşayış obyektinə ziyan dəyib.
DİGƏR XƏBƏRLƏR
![Valideynlər narkomaniyaya düçar olan övladını necə tanısın? – APA TV](https://apa.az/storage/apa-tv/news/2024/july/02/big/6684412821d6e6684412821d6f17199434646684412821d6b6684412821d6c.jpg)
Valideynlər narkomaniyaya düçar olan övladını necə tanısın? – APA TV
![Taksilərin sayı azaldı, minimum qiyməti isə 4.50 AZN oldu](https://apa.az/storage/apa-tv/news/2024/july/01/big/6682be55512976682be555129817198444376682be55512956682be5551296.jpg)
Taksilərin sayı azaldı, minimum qiyməti isə 4.50 AZN oldu
![Taksi fəaliyyətində istifadə olunacaq avtomobillərlə bağlı yeni qərar qüvvəyə mindi](https://apa.az/storage/apa-tv/news/2024/july/01/big/66823df42a73f66823df42a740171981157266823df42a73d66823df42a73e.jpg)
Taksi fəaliyyətində istifadə olunacaq avtomobillərlə bağlı yeni qərar qüvvəyə mindi
![Gəncədə ağır yol qəzası baş verib](https://apa.az/storage/apa-tv/news/2024/july/01/big/66823dae71e8766823dae71e88171981150266823dae71e8566823dae71e86.jpg)