Xəbərlər

Azərbaycanlı "qanuni oğru"ya 23 il həbs cəzası istədilər

13:52

15 fevral 2023

Moskva şəhər məhkəməsi “Rəşad Gəncski” ləqəbli "qanuni oğru" Rəşad İsmayılovu cəzasını ciddi rejimli müəssisədə çəkməklə 23 il müddətində azadlıqdan məhrum edilməsi istənilib.

Lent.az-ın əldə etdiyi məlumata görə, o, qətl, qeyri-qanuni silah saxlama, və digər cinayətlərdə ittiham olunur.

Məhkəmə istintaqı sübut edib ki, o və əlbir olduğu şəxslər 2009-cu ildə Moskvada iki azərbaycan vətəndaşını – Məmmədli Hüseynov və Qəşəm Verdiyevi qətlə yetiriblər. Onlara silahdan 29 atəş açılıb. Öldürülən hər iki şəxs “Rövşən Lənkəranski”nin klanına daxil olub. Onlar Rusiya paytaxtında meyvə-tərəvəz tədarükünə nəzarət edirdilər.

"Rəşad Gəncski" ittihamları qəbul etməyib.