Xəbərlər

Azərbaycanlıları ər kimi qeydiyyata alanlar həbs olundu

12:19

9 mart 2023

Novqorod vilayətinin Pestovski rayon Məhkəməsi Pestovski rayonu və Tver vilayətinin sakinləri olan 4 qadın barəsində hökm çıxarıb.

Lent.az-ın məlumatına görə, qadınlar xarici vətəndaşların ölkədə qanunsuz qalmasının təşkilində təqsirli biliniblər. Məhkəmə işin əsas təşkilatçısına 4,5 il şərti azadlıqdan məhrum etmə, onun şəriki və daha iki qadını 4 il və 3 il müddətinə azadlıqdan məhrum etmə cəzası verib.

Məlumata görə, həmin qadınlar 2021-ci ilin may-avqust aylarında Özbəkistan, Tacikistan və Azərbaycan Respublikasının 12 xarici vətəndaşına azyaşlı övladlarına uydurma atalıq rəsmiləşdiriblər. Bunun üçün qadınlar hər dəfə 8-50 min rubl arası pul alıblar.

Sonradan əcnəbilərdən bəziləri yaşayış icazəsi ala bilib. Novqorod vilayətinin prokurorluğu bildirir ki, belə bir prosedur ölkədə qalmağın müəyyən edilmiş qaydasını pozur.