Xəbərlər

Bağçalarda ərzaq yox, menyu əsaslı yeməklər veriləcək

17:10

13 aprel 2023

Elm və Təhsil Nazirliyi tərəfindən media nümayəndələri üçün seminar keçirilib.

Seminarda nazirliyin Ümumi və məktəbəqədər təhsilin təşkili və idarə olunması şöbəsinin müdiri Elnur Əliyev bildirib ki, Elm və Təhsil Nazirliyinin tabeliyindəki 1700-ə yaxın bağçanın monitorinqi aparılıb.

Elnur Əliyev qeyd edib ki, Bakı, Sumqayıt və Abşeronda əhali sıxlığına görə kifayət qədər bağça yoxdur. Həmin ərazilərdə yerlər doludur, lakin 300-400 nəfər valideyn növbə gözləyir. Problemin aradan qaldırılması məqsədilə monitorinqlər aparılır.

Daha sonra o bildirib ki, Bakının 3 rayonu, Gəncə, Mingəçevir və Bərdədə məktəbəqədər təhsil müəssisələrində isti qida yeməklərin paylanması ilə bağlı pilot layihə icra edilir.

Elnur Əliyev bildirib ki, gələcəkdə hər bağçanın daxilində qidanın peşəkar müəssisə tərəfindən hazırlanıb verilməsi təmin olunacaq.