Bakı-Quba yolundakı qəzada ölənlərin kimliyi bəlli oldu
Bakı-Quba yolunun 98-ci kilometrlitində (yolun Siyəzən rayonu ərazisindən keçən hissəsində) ağır yol-nəqliyyat hadisəsi baş verib.
DİN-dən verilən məlumata görə, “Mercedes Vito” markalı avtomobillə TIR toqquşub.
Ölənlər “Mercedes-Vito”-nun sürücüsü, Yardımlı rayon sakini, 1977-ci il təvəllüdlü Nəsimi Əlimuxtar oğlu Qubadbəyli, 1976-cı il təvəllüdlü Kamran Məmmədşah oğlu Məmmədov, 1982-ci il təvəllüdlü Elməddin Osman oğlu Əhmədov, 1980-ci il təvəllüdlü Vüqar Tərxan oğlu Musayev, 1979-cu il təvəllüdlü Akif Yusif oğlu Balakişiyev, Siyəzən rayonu, Gilgilçay qəsəbə sakini Quliyev Elvin Ramiz oğludur.
“DAF” markalı avtomobilin sürücüsü Qubanın Dağlı kənd sakini, 1992-ci il təvəllüdlü Elçin Atayev müxtəlif dərəcəli bədən xəsarətləri ilə Siyəzən Regional Diaqnostika Mərkəzinə yerləşdirilib.
Faktla bağlı araşdırma aparılır.