Xəbərlər

Bakıda bu binalar çirkab sularda “üzür”

17:28

5 aprel 2023

Bir tərəfdən su qıtlığı ilə üz-üzəyik. Digər tərəfdən isə suyun içindəyik. Amma dənizdə deyil. Çirkab sularının içində.

Bura Bakının Xətai rayonu, Qaçaq Nəbi küçəsidir. Burada yerləşən 3,4,5 saylı və digər binaların zirzəmisi kanalizasiya suları ilə dolub-daşır. Sakinlər deyirlər ki, üfunət iyindən evlərində yaşaya bilmirlər. Hələ nəzərə alsaq ki, qarşıdan yay gəlir, vəziyyətin daha da acınacaqlı olacağını proqnozlaşdırmaq o qədər də çətin deyil.

Məhz bu və buna bənzər görüntülər deməyə əsas verir ki, Bakı şəhərində zirzəmilərin təmizlənməsi istiqamətində aparılan işlər lazımi səviyyədə deyil. Əsasən də paytaxtın Binəqədi, Yasamal, Xətai, Nizami və Suraxanı rayonlarında bu kimi mənzərələri görmək ənənə halını alıb desək, yanılmarıq. Məsələ ilə bağlı “Azərsu”ASC ilə əlaqə saxladıq.

Hər halda söz verildi. Qalıb əməl etmək. Ümid edirik ki, bu qulaqlarımızın adət etdiyi vəd olmayacaq, əmələ çevriləcək.