Xəbərlər

Bakıda iki avtomobil toqquşub, 7 nəfər xəsarət alıb

07:05

9 iyul 2022

Bakı Dairəvi şossesində ağır yol-nəqliyyatı hadisəsi qeydə alınıb.

APA xəbər verir ki, hadisə magistral şossenin Yasamal rayonu ərazisinə düşən hissəsində qeydə alınıb.

Belə ki, 2002-ci il təvəllüdlü Cahangirli Nüsrət Şükrət oğlu idarə etdiyi “Opel” markalı avtomobillə hərəkətdə olan zaman eyni istiqamətdə hərəkətdə olan 1979-cu il təvəllüdlü Məmmədov Ramin Nofəl oğlunun idarərtməsində olan “Toyota Prius” markalı maşın qəfil dayanıb. N.Cahangirli sükana nəzarəti itirərək əvvəlcə “Toyota”-ya daha sonra beton yol ayrıcına çırpılıb. Qəza nəticəsində sürücülər Nüsrət Cahangirli, Ramin Məmmədov, sərnişinlər 2004-cü il təvəllüdlü Platov Rəşad Bəxtiyar oğlu, 1966-ci il təvəllüdlü Dadaşov Caməllədin və onun həyat yoldaşı 1971-ci il təvəllüdlü Dadaşova Samirə ağır bədən xəsarətləri alıb. Bundan başqa digər iki sərnişdə xəsarət alıb. Ağır xəsarət alan beş yaralı 1 nömrəli şəhər xəstəxanasına yerləşdirilib.

Faktla bağlı Baş Dövlət Yol Polis İdarəsinin təhqiqatçıları tərəfindən araşdırma aparılır.

Avtotexniki ekspertiza təyin edilib.