Xəbərlər

Beyləqanda şəhid ailələrinə yeni mənzillər təqdim olunub

16:18

22 iyul 2022

Beyləqanda 10 şəhid ailəsinə yeni mənzillər təqdim olunub.

APA-nın yerli bürosu xəbər verir ki, Sosial dəstək paketi 100 mindən artıq şəhid ailəsi üzvü və müharibə iştirakçısını əhatə edib, onlara 193 min sosial dəstək xidməti göstərilib.

Qeyd olunub ki, bu proqram ötən il 5 dəfə genişləndirilib. 2021-ci ildə şəhid ailələri və müharibə əlillərinə 3 min, 2022-ci ilin əvvəlindən bəri 600-dən çox mənzil verilib.

Postmüharibə dövründə 3600-dən, ümumilikdə ötən dövrdə 12500-dən çox şəhid ailəsi və müharibə əlili mənzil və ya fərdi evlə təmin edilib. Bu ilin avqust-sentyabr aylarında daha 500 mənzil və fərdi ev bu kateqoriyalardan olan vətəndaşlara veriləcək.

Habil Aslanoğlu, Ziya İsmayılov APA TV- Beyləqan