Xəbərlər

Cəlilabadlı fermerlər çiyələyi torpaqsız mühitdə əkib-becərirlər

13:44

11 may 2023

Bu il Cəllilabad rayonunda çiyələyi yeni üsulla əkib - becəriblər.

Bu üsula əsasən torpaqsız becərilən çiyələk daha tez əmələ gəlir və yığımı daha təmiz başa gəlir.

İstixana şəraitində yetişdirilən məhsul yüksək tipli texnologiya ilə suvarılıb, gübrələnir. İndi çiyələk yetişdiriciliyində daha az əl əməyindən istifadə edilir.

Məhsul daxili bazarın tələbatı ödənildikdən sonra, Rusiya, Qazaxıstan, digər qonşu ölkələrə və bu ildən ilk dəfə olaraq Ərəb dövlətlərinə ixrac olunacaq.

Əksər fermerlər çiyələyin “Murano” sortuna üstünlük verirlər. İtaliyadan gətirilən şitillər respublikamızda artırılır. Bu sortun üstünlüyü ondadır ki, bu sort uzaq məsafələrə daşınmağa dözümlüdür.

Qeyd edək ki, Cəlilabadda çiyələk əkini ilə 3000-dən artıq fermer məşğul olur. Hazırda qiymət sortlardan, keyfiyyətdən asılı olaraq, 2 manat, 2 manat 50 qəpik arasında dəyişir.