Xəbərlər

Ermənistana müdafiə imkanlarını gücləndirmək üçün yardım edəcəyik - Lavrov

16:59

8 aprel 2022

Moskvada Rusiyanın xarici işlər naziri Sergey Lavrovla Ermənistanın xarici işlər naziri Ararat Mirzoyan arasında görüş keçirilib.

Görüş zamanı Sergey Lavrov bildirib ki, Rusiya Ermənistana müdafiə imkanlarını gücləndirmək üçün yardımlar edəcək.

O daha sonra Qarabağla bağlı 10 noyabr 2020-ci il, 11 yanvar və 26 noyabr 2021-ci il tarixli üçtərəfli bəyanatların icrasının vacibliyindən danışıb: “Biz bu razılaşmaların icrasının təmin olunmasını davam etdirəcəyik”, - deyə Rusiya XİN başçısı vurğulayıb. Görüşdə MİNSK Qupu barədə də danışan Lavrov bildirib ki, təşkilatın gələcək taleyinin necə olacağını bilmir

O bunun səbəbini həmsədr dövlətlərin yəni ABŞ və Fransanın rusofob siyasəti ilə əlaqələndirib.

Ararat Mirzoyan isə çıxışında qeyd edib ki, Rusiya 2020-ci ilin payızında Dağlıq Qarabağdakı hərbi əməliyyatlarda və atəşkəs məsələsində əsas rol oynayıb:

Qeyd edək ki, Mirzoyan və Lavrov arasında təkbətək görüş də keçirilib.

FUAD SADIQOV

APA TV