Xəbərlər

Gəncədə külək irigövdəli ağacları qəbirlərin üzərinə aşırıb

10:02

26 dekabr 2023

Qeyri-sabit hava şəraiti Gəncədə də fəsadlar törədib. 4 saylı qəbiristanlıqda iri gövdəli ağaclar məzar daşlarının üzərinə aşıb. Küləyin təsirindən təxminən 10-a yaxın iri gövdəli ağac aşaraq məzar daşlarının üzərinə düşüb. İlkin məlumata görə, bəzi məzar daşlarına ziyan dəyib. Aşan ağaclar əsasən şam və çinar ağaclarıdır. Qəbiristanlıq rəsmilərinin sözlərinə görə, ağacların bir çoxu quruyub və ağacların quruması ilə bağlı daha öncə aidiyyəti üzrə məlumat verilib. Küləyin təsirindən ağaclara yaxın olmayan məzar daşları da uçub. Təxminən 12 məzar daşı sıradan çıxıb. Qeyri-sabit hava şəraiti fərdi yaşayış evlərinin də hasarlarını uçurub. İlkin hesablamalara görə, təkcə 50-dən çox ağac aşıb, binaların dam örtüyünə ziyan dəyib. Hazırda Gəncə və ətraf bölgələrdə küləkli və yağışlı hava şəraiti hökm sürür. FUAD NAZİMOĞLU, ELŞAD CƏFƏR, APA TV