Güclü yağış yağdı, 7 kəndə gedən yol çökdü
Son günlər Lənkəranda yağan güclü yağışlar, dağ kəndlərinə gedən
yollarda torpaq sürüşmələrinə səbəb olub. Rayonunun 7 kəndinə aparan
22 km - lik Hirkan–Daşdatük-Biləsər avtomobil yolunda, yolun bir
hissəsi 40 sm aşağı çöküb. Bu da nəqliyyatın hərəkətində çətinliklər
yaradıb.
Hirkan-Daşdatük-Biləsər avtomobil yoluna nəzarət edən 48 nömrəli
yol istismarı MMC–nin mühəndisi Natiq Cavadov bildirdi ki, yolda baş verən problemi
aradan qaldırmaq və nəqliyyat vasitələrinin hərəkətinin təmin edilməsi üçün bəzi qabaqlayıcı tədbirlər görürülüb. Əraziyə ağır texnikalar və işçi qüvvələri cəlb olunub. Lakin baş verən sürüşmələri tam aradan qaldırmaq onların imkanları xaricindədir. Bunun üçün də dövlət dəstəyi lazımdır ki, yolda bərkitmə işlər görülsün.
Artıq, hazırlanmış sənədlər Avtomobil Yolları Dövlət Agentliyinə təqdim olunub.
Qeyd edək ki, Hirkan-Daşdatük-Biləsər avtomobil yolu 22 km
olmaqla, sərt dağ yamaclarından və sürüşmələri aktiv olan hissələrdən
keçir. Bu yol 2018-ci ildə Dövlət İnvestisiya Proqramı layihəsi
çərçivəsində əsaslı olaraq təmir edilib və istismara verilib.
İlkin Rzayev
Rövşən Almazoğlu
APA TV Lənkəran