Xəbərlər

İncənin “kaseti”ni yayan şəxs kimdir?

18:27

12 may 2023

Məmləkət Partiyasının sədri Məhərrəm İncənin prezidentliyə namizədliyini geri götürməsi ilə bağlı bir sıra iddialar ortaya çıxıb.

Türkiyə mediası məlumat yayıb ki, İncəyə qarşı “kaset qalmaqalı” yaradan şəxsin adı açıqlanıb.

Montaj olunmuş görüntüləri paylaşan şəxsin FETÖ fərarisi Mətin Gülər olduğu iddia edilib. Bildirilir ki, o, porno filmdən kəsilən fotonu “Məhərrəm İncənin kaseti” adı ilə yayıb.

Yalan olduğu sübuta yetirilən böhtan xarakterli paylaşım sosial mediada geniş yayıldıqdan sonra silinib.

Qeyd edək ki, Almaniyada qaçaq olaraq yaşayan Mətin Gülərin CHP lideri Kamal Kılıçdaroğlunun həmyerlisi olduğu müəyyənləşib. M.Gülərin Tunceli vilayətinin Ovacıq rayonuda qeydiyyatda olduğu vurğulanıb.