Xəbərlər

İrəvanda səhiyyə işçiləri kütləvi etiraz aksiyası keçirdi

15:13

2 noyabr 2021

Ermənistanın paytaxtı İrəvanda təcili tibbi sürücüləri aksiya keçirib.

APA TV xarici mediaya istinadən xəbər verir ki, aksiya iştirakçıları maaşların azlığından şikayət edirlər. Onlar yerli mediaya açıqlamalarında bildiriblər ki, maaşlar artana qədər aksiyaları davam etdirəcəklər.

Sürücü Serjik Qasparyanın sözlərinə görə, işlər əvvəlkində 3 dəfə artıb, amma maaş əvvəlki kimi qalıb:

“Sürücülər üç gündən bir, növbəli işləyirlər. Təxminən 24 dollar verilir ki, bu da ayda təxminən 210 dollar edir. Standartlara görə, hər sürücü 17 zəngə qədər xidmət etməli idisə, indi bu zəngin sayı 30-a çatıb” – deyə o qeyd edib.

Sürücülər bildiriblər ki, həddindən artıq iş ucbatından onların ikinci işə getməyə imkanı yoxdur və belə maaşla ailəni dolandırmaq çətinləşib.