Xəbərlər

İstanbulda partlayış törədən qadının evindən nələr çıxıb? - APA TV

11:57

15 noyabr 2022

Türkiyədə, İstiqlal küçəsində partlayış törətməkdə şübhəli bilinən Suriyaəsilli Ahlam Albashırın evində axtarış aparılıb.

APA TV Türkiyə mətbuatına istinadən xəbər verir ki, Albashırın evində aparılan axtarışlar zamanı 3 min 800 ABŞ dolları, 5 min avro və 10 min lirə pul, çoxlu qızıl-zinət əşyaları ələ keçirilib.

O da məlum olub ki, Ahlam İstanbula kişi terrorçu ilə birgə gəlib. Onlar ölkəyə gələrkən özlərini ər-arvad kimi təqdim ediblər.

Həmin kişi Albashıra təxminən 1 kilo partlayıcı verərək İstiqlal küçəsinə göndərib. Həmin terrorçunun saxlanılması istiqamətində axtarışlar davam etdirilir.

Bundan başqa, hadisə ilə əlaqədar daha iki nəfər saxlanılıb. Bununla da saxlanılanların sayı 48-ə çatıb.

Qeyd edək ki, terror hadisəsi zamanı 6 nəfər ölüb, 81 nəfər isə yaralanıb.