Xəbərlər

İsveç Türkiyə ilə münasibətləri düzəltməyə çalışır? - YENİ QANUN QƏBUL OLUNUR

10:42

11 iyun 2022

İsveç xarici işlər naziri bildirib ki, ölkəsinin NATO-ya üzvlük məsələsində Türkiyənin narahatlıqları konstruktiv şəkildə cavablandırılacaq.

APA xəbər verir ki, bu barədə İsveç Xarici İşlər Nazirliyinin saytında məlumat yer alıb.

İsveç xarici siyasətinə dair sənədi parlamentə təqdim edən Ann Linde, ölkəsinin Türkiyənin təhlükəsizliyinə töhfə verəcəyini vurğulayıb.

Türkiyə ilə NATO ilə bağlı davam edən danışıqlara toxunan Linde, İsveçin NATO-ya üzv olmasının Türkiyənin təhlükəsizliyinə də töhfə verəcək.

“Məqsədimiz Türkiyənin şərtləri ilə bağlı konstruktiv yanaşma ilə irəliləməkdir. Terrorla mübarizədə biz də eyni fikirdə olan insanlarla birlikdə hərəkət edəcəyik”, - deyə Ann Linde çıxışında qeyd edib.

O, terrorizmi pisləyərək, ölkənin yeni terror qanununun iyulun 1-dən qüvvəyə minəcəyini və ölkəsinin NATO-ya üzv olmaq üçün silah ixracına görə nəzərdə tutulan şərtləri dəyişdirə biləcəyini qeyd edib.