Xəbərlər

İtkin turistin parçalanmış meyiti tapıldı?

12:46

20 iyun 2022

Bir ay əvvəl Zaqatala dağlarında itkin düşən hindistanlı turistin cəsədinin tapılması barədə sosial şəbəkələrdə məlumatlar yayılıb.

Lent.az xəbər verir ki, həmin məlumatlarda hətta itkin düşən 29 yaşlı Manikanth Kondaveetinin cəsədinin fotoları da paylaşılıb.

Daxili İşlər Nazirliyinin mətbuat xidmətinin Şəki regional qrupunun baş inspektoru, polis baş leytenantı Mahir Məsimov Lent.az-a bildirib ki, Zaqatalada itkin düşən hindistanlı turistin meyitinin tapılması və yaxud onun vəhşi heyvan tərəfindən parçalanması ilə bağlı sosial şəbəkələrdə yayılan məlumatlar həqiqəti əks etdirmir:

Xatırladaq ki, mayın 17-də Hindistan Respublikasının vətəndaşı, 1993-cü il təvəllüdlü Kondaveeti Manikath adlı şəxsin Zaqatalada itkin düşməsi ilə bağlı polisə müraciət daxil olub. İlkin araşdırma nəticəsində onun mayın 12-də Zaqatalada qaldığı hoteli tərk etdiyi və Car kəndinin çətin relyefə malik yüksək dağlıq ərazisinə getdiyi müəyyən olunub.