Kanaldan meyiti tapılan qadın kim imiş?
Xaçmazda üç ay əvvəl özünü kanala ataraq intihar edən Səlminaz Rüstəmovanın meyiti tapılıb.
Bu barədə APA-ya onun yaxınları məlumat verib.
1971-ci il təvəllüdlü Səlminaz Rüstəmovanın meyiti Fövqəladə Hallar Nazirliyinin (FHN) əməkdaşları tərəfindən Şabran rayonu ərazisindən keçən kanalda aşkar edilib. Meyit aidiyyəti üzrə təhvil verilib.
Xatırladaq ki, Səlminaz Rüstəmova yanvarın 4-də özünü Samur-Abşeron kanalına atıb.
Onun atası da uzun illər əvvəl özünü eyni kanala ataraq intihar edib.