Xəbərlər

Masazırda yaşayış binasında partlayış olub, xəsarət alan var

11:07

7 dekabr 2022

Abşeron rayonu, Masazır qəsəbəsində çoxmərtəbəli yaşayış binasında partlayış baş verib.

Fövqəladə Hallar Nazirliyindən verilən xəbərə görə, məlumat daxil olan kimi dərhal Abşeron Rayon Yanğından Mühafizə Hissəsinin qüvvələri əraziyə cəlb olunub.

Hadisə yerində əməliyyat şəraitinin ilkin qiymətləndirilməsi zamanı yeddimərtəbəli yaşayış binasının 3-cü mərtəbəsində yerləşən və ikiotaqlı mənzilin eyvanında ilkin ehtimala görə məişət qazının sızması nəticəsində yanğınla nəticələnməyən partlayışın baş verdiyi müəyyən olunub. Hadisə nəticəsində, ilkin məlumata əsasən, 1 nəfər xəsarət alaraq xəstəxanaya yerləşdirilib. Partlayış dalğasının təsirindən mənzilin 1 otağının pəncərə çərçivəsi yerindən çıxıb, giriş qapısına ziyan dəyib.

FHN əməkdaşları tərəfindən ərazidə müvafiq təhlükəsizlik tədbirləri görülüb.

Hadisə ilə əlaqədar müvafiq qurumlar tərəfindən təhqiqat aparılır.