Xəbərlər

Oğlu Ayaz Mütəllibovun ölüm səbəbini açıqladı

13:05

28 mart 2022

"Atam bir aya yaxın idi Mərkəzi Kliniki Xəstəxanada müalicə alırdı”.

APA TV xəbər verir ki, bu sözləri Qaynarinfo-ya açıqlamasında eks-prezident Ayaz Mütəllibovun kiçik oğlu Zaur Mütəllibov deyib.

"Beyin təzyiqi var idi. Atamı əvvəlcə operativ müalicə etdilər. Özünü yaxşı hiss edirdi. Amma sonradan müalicəsi uğurlu olmadı. Sonradan yeriməyində də problemlər yarandı. Həmçinin yaşına görə də xəstəlikləri var idi. Bu xəstəliklər də onu narahat edirdi. Kiçik beyin insultu və mikro infrakt keçirmişdi”, - deyə sabiq prezidentin oğlu bildirib.

Qeyd edək ki, Ayaz Niyazi oğlu Mütəllibov 12 may 1938-ci ildə Bakıda ziyalı ailəsində anadan olub. O, 1991-ci il sentyabrın 8-də ümumi seçkilərdə Azərbaycanın prezidenti seçilib. 1992-ci il fevralın 25-dən 26-na keçən gecə Xocalıda törədilən qətliamdan sonra - martın 6-da istefa verib.