Oyuncaq mağazasına qaçan azyaşlının faciəvi sonu
Lənkəranda 5 yaşlı uşağı avtomobil vuraraq öldürüb.
APA TV-nin cənub bürosu xəbər verir ki, hadisə rayonun Vilvan kəndində baş verib. Kənd sakini, 2017-ci il təvəllüdlü Sənan Zaur oğlu Hüseynov babası ilə piyada gəzərkən, yolun qarşı tərəfində yerləşən oyuncaq mağazasına qaçıb. İlqar Hüseynov idarə etdiyi "Nissan" markalı avtomobillə həmin ərazidən keçərkən qəflətən qabağına çıxan uşağı vurub. Nəticədə baş nahiyəsindən ciddi xəsarət alan azyaşlı Lənkəran Rayon Mərkəzi Xəstəxanasına yerləşdirilib. Uşağın həyatını xilas etmək mümkün olmayıb.
Faktla bağlı araşdırma aparılır.
Tural Kərimov
Rövşən Əzimov
APA TV, Lənkəran