Xəbərlər

Paşinyan devrilsə, nələr olar? - Vitse-spiker planlarını açıqladı

17:15

4 may 2022

“Deyirlər ki, Ermənistanda hakimiyyət dəyişikliyi olsa, müharibə olacaq. Sizi aldadırlar”.

Bunu Ermənistan parlamentinin müxalif vitse-spikeri İşxan Saqatelyan bu gün Fransa meydanında keçirilən mitinq zamanı yerli mediaya deyib. O bildirib ki, Paşinyan hakimiyyətdə qalsa, Azərbaycanın və Türkiyənin dediklərinə tabe olacaq.

İşxan Saqatelyan indiki hökumətin devrilməsindən sonra nə baş verəcəyi ilə bağlı suala isə belə cavab verib:

“Nikol vəzifəsindən kənarlaşdırıldıqdan sonra milli razılıq hökuməti yaradılacaq. Bu hökumət müvəqqəti olacaq. Bir partiyanın və ya bir nəfərin hökuməti olmayacaq. Bu, “Daşnaksütyun”, Ermənistan Respublika Partiyası, Köçəryan və ya başqasının hökuməti olmayacaq. Bu, xalqın bacarıqlı qüvvələrindən ibarət milli hökumət olacaq”.

İşxan Saqatelyan yaxın günlərdə etiraz aksiyalarını dayandırmaq fikrində olmadıqlarını da bildirib.

Fuad Sadıqov