Qoyunlarını yırtıcı heyvandan qorumaq istədi, özü xəsarət aldı
17:44
15 iyun 2022
Zaqatalada 72 yaşlı kişiyə çaqqal hücum edib.
APA TV-nin məlumatına görə, hadisə rayonun Bəhmətli kəndində baş verib.
Belə ki, kənd sakini 1950-ci il təvəllüdlü Mümtəzir Muradov kəndin ərazisində ailəsinə məxsus qoyunları otaran zaman kolluqdan çaqqal çıxaraq qoyunlara hücum edib. Bu zaman qoyunları qorumaq istəyən kənd sakini özü yırtıcı heyvanın hücumuna məruz qalıb. Nəticədə çaqqal Mümtəzir Muradova xəsarətlər yetirib.
Zaqatala Rayon Mərkəzi Xəstəxanasına müraciət edən Mümtəzir Muradova lazımi tibbi yardım göstərilib, quduzluq əleyhinə peyvənd vurulduqdan sonra ambulator müalicə almaq şərti ilə evə buraxılıb.