Rusiyada aeroport UNO-ya görə bağlandı, qırıcılar havalandı
17:59
28 fevral 2023
Rusiyanın Sankt-Peterburq şəhərində səmada görülən Naməlum Uçan Obyekt səbəbiylə bağlanan “Pulkovo” beynəlxalq hava limanı uçuşları bərpa edib.
Hava məkanının 200 km radiusu boyu təyin edilən uçuş qadağası yerli vaxtla saat 13:20-yə qədər davam edib.
Rusiya mediası qırıcı təyyarələrin dərhal havalandığını, lakin onların səmada UNO-ya rast gəlmədiklərini bildirib.
Xatırladaq ki, bir neçə gün öncə ABŞ, Kanada və Yaponiyada da UNO-lara rast gəlinmişdi. ABŞ havada 4 naməlum obyetin vurulduğunu bildirmişdi.
Onlardan ikisinin Çinə aid casus şarı olduğu iddia edilsə də, Çin bunu təkzib etmişdi.