Şəhidin xatirəsinə abidə-bulaq kompleksi inşa edilib
Zaqatalada Zərifə Əliyeva küçəsində Vətən Müharibəsinin şəhidi Elvin Məmmədovun xatirəsinə inşa edilmiş abidə-bulaq kompleksinin açılışı olub.
APA TV xəbər verir ki, Bu münasibətlə keçirilən mərasimdə rayon icra hakimiyyətinin, hüquq-mühafizə orqanlarının nümayəndələri, şəhidin ailə üzvləri, döyüş yoldaşları, ictimaiyyət nümayəndələri iştirak ediblər.
Mərasimdə çıxış edənlər 44 günlük Vətən müharibəsində qazanılan Qələbənin tarixi əhəmiyyətindən, həyatının 28-ci ilində əbədiyyətə qovuşan şəhid Elvin Məmmədovun keçdiyi döyüş yolundan danışıb.
Vurğulanıb ki, xalqımız öz igid oğulları ilə həmişə fəxr edir.