Şirvan-Salyan yolunda 3 maşın toqquşdu
Sabirabad rayonunda ölümlə nəticələnən zəncirvari yol qəzası baş verib. APA TV-nin xəbərinə görə, hadisə Sabirabadın Qaragüney kəndində, Şirvan-Salyan magistralında qeydə alınıb. "Mercedes" markalı minik və yük maşınlarının, “VAZ-2106” markalı minik avtomobilinin toqquşması nəticəsində 1 nəfərin hadisə yerində öldüyü, 6 nəfərin xəsarət aldığı bildirilir. Xəsarət alanlar Şirvan şəhər xəstəxanasına yerləşdirilib. Faktla bağlı araşdırma aparılır.