Xəbərlər

Sülh müqaviləsində razılaşdırılan bənd HANSIDIR?

16:17

9 dekabr 2022

“Ermənistanla Azərbaycan arasında sülh müqaviləsi layihəsinə ölkələr arasında mövcud olan bütün problemli məsələlər daxildir”.

Bunu Ermənistan Təhlükəsizlik Şurasının katibi Armen Qriqoryan Ermənistan parlamentində çıxışı zamanı deputatın sualını cavablandırarkən deyib.

“Rəsmi İrəvanla Bakı arasında sülh müqaviləsi layihəsinin yalnız bir bəndi - Vyana Konvensiyasına uyğun olaraq diplomatik münasibətlərin qurulması razılaşdırılıb”, - deyə o qeyd edib.

Armen Qriqoryan vurğulayıb ki, sülh müqaviləsi layihəsinin mətni üç dəfə redaktə olunub və hazırda Ermənistan tərəfi onun üzərində işləyir.

Layihənin digər bəndləri üzrə dəqiq razılıq yoxdur deyən Qriqoryan əlavə edib ki, söhbət Qarabağ, sərhədlərin delimitasiyası və demarkasiyası, bağlı yolların açılması, humanitar məsələlərdən gedir.