Xəbərlər

Tıxaca görə kim məsuliyyət daşıyır? - FƏLAKƏT BÖYÜYÜR

16:01

11 oktyabr 2021

“Son dövrdə ən vacib məsələlərdən biri Bakının tıxac məsələsidir. Bu gün sıradan vətəndaşlar, məktəbə uşağını aparan valideynlər, deputatlar da bu problemlə qarşılaşır”.

APA TV-nin məlumatına görə, bunu Milli Məclisin bu gün keçirilən iclasında deputat Fazil Mustafa deyib.

Deputat bildirib ki, dünyada da tıxac problemi var, amma orda bu işlə məşğul olan bir qurum var: “Azərbaycanda isə tıxac problemini üstünə götürmək istəyən qurum yoxdur. Yol infrastrukturu düzgün qurulmadığına görə yolun tənzimlənməsində yol polisi özü də əziyyət çəkir. Yol bağlanır, alternativ yol qoyulmur. Vaxt itkisi, fəlakətli vəziyyət böyüyür. Təklif edirəm ki, bu sahədə müvafiq qurumlar çıxıb cəmiyyətə məlumat versinlər ki, bu problemin həlli üçün 1 il sonra hansı proqramları var? Bakı ağır yüklənmiş şəhərdir”.