Xəbərlər

Ucarda taksilər rayon mərkəzindən bu kəndə 20 manata gedir

16:29

6 mart 2023

Ucar rayonunun Yuxarı Şilyan kəndinin sakinləri yollarının bərbad vəziyyətdə olmasından şikayətçidirlər. Sakinlər deyir ki, yaz-yay aylarında sevinirik ki, palçıqdan canımız qurtarır. Payız-qış aylarında da sevinirik ki, toz-torpaqdan xilas olduq.

Bir sözlə ilin bütün fəsillərində kənd yolu sakinlərə qan uddurur. Az məsafəli yolu taksilər hörmətə 20 manata gəlirlər.

Məsələyə münasibət bildirən Yuxarı Şilyan kənd bələdiyyəsinin sədri Vilayət Məmmədov yanarmış problemdən xəbərdar olduqlarını bildirdi. O, qeyd etdi ki, 200 təsərrüfatın istifadə etdiyi yolun uzunluğu 1,5 kilometrdir.

Yararsız kənd yolunun çətin vəziyyətə saldığı sakinlər indi səbirsizliklə yolun təmir olunacağı günü gözləyirlər.