Xaçmazda peşə məktəbinin yataqxanası yandı
Xaçmazda peşə məktəbinin yataqxanasında yanğın baş verib.
APA TV-nin şimal bürosunun verdiyi məlumata görə, 5 mərtəbəli binada tüstülənmə qeydə alınıb. Binada yaşayanların təxliyəsi həyata keçirilib.
Fövqəladə Hallar Nazirliyi baş verən yanğın barədə məlumat yayıb.
Məlumatda bildirilib ki, FHN-in "112" qaynar xəttinə Xaçmaz şəhərində 92 nömrəli peşə məktəbinin yataqxanasının zirzəmisində yanğın baş verməsi barədə məlumat daxil olub.
Dərhal FHN-in Dövlət Yanğından Mühafizə Xidmətinin və Şimal Regional Mərkəzinin qüvvələri çağırış üzrə cəlb olunub. FHN qüvvələrinin operativ müdaxiləsi nəticəsində yanğın qısa müddətdə məhdudlaşdırılıb. Yanğın tam söndürülüb.