Xəbərlər

Xırdalan şəhəri 9 nömrəli məktəbin ibtidai sinif müəllimi Cəlalə Abdullayeva Bu da Xırdalan şəhəri 1 nömrəli tam orta məktəbin ibtidai sinif müəllimi Yaqut Ağamalıyeva. Birinə valideyinlər tərəfindən 1-ci sinif şagirdlərinin Əlifba bayramında qızıl bilərzik, digərinə isə 4-cü sinif şagirdlərinin məzun günündə qızıl sırğa və üzük dəsti hədiyyə edilir. Yox, qınamırıq, heç tərəf də saxlamırıq. Sadəcə bu təqdimatın uşaqların gözünün önündə yaşanması xoşagələn deyil. Bir tərəfdən “uşaqlar məktəbə qızıl-zinət əşyası taxıb gələ bilməz” deyilir, digər tərəfdən də gələcəyimiz olan körpələrin gözü önündə qeyri-rəsmi alver gedir. Tragikomik haldır. Kuliminasiya nöqtəsi isə daha targikomikdir. Yəni məktəblərdə “korrupsiyaya, rüşvətxorluğa “yox” deyək!” tədbirlərinin keçirilməsi nədir, gələcəyin nazirlərinin, dövlət qulluqçularının gözü önündə bunu təbliğ etmək nə?!

Bax elə bu məqamda kiçik bir xatırlatma yerinə düşər. Bu görüntülər sosial şəbəkə izləyicələri tərəfindən sərt tənqid edilib. Hətta bir qrup şəxs bu rahatlığın Elm və təhsil naziri Emin Əmrullayevin məlum çıxışından sonra daha geniş vüsət aldığını iddia edib. Qeyd olunub ki, bu cür hallar çoxalıb, müəllimlər “şirinlik” adı altında rüşvət alırlar. Hər nə qədər bəzi valideyinlər bunu təkzib etsələr də. Abşeron-Xızı Regional Təhsil İdarəsindən isə bildirildi ki, hər iki müəllimin son davranışı ilə bağlı araşdırma aparılır. Deyək ki, araşdırıldı, lap elə müəllimlərin məktəbdəki fəaliyyətinə xitam verildi.

Dəyişən nəsə olacaqmı? Əminik ki, sabah, biri gün yenə də analoji hadisələr yaşanacaq. Biz sabah da bu cür hallardan danışacağıq. Çünki belə halların qarşısını almalı olan Valideyn-müəllim komitələri hədiyyə, rüşvət məsələlərinin sonuna çıxmağa çalışmaqdansa, öz təşəbbüsləri ilə valideynlərdən pul toplayır, hədiyyə adı altında rüşvət verirlər. Azərbaycan Valideyn-Müəllim Assosiasiyasının icraçi direktoru Şahin Rəcəb isə deyir ki, bu cür xoşəgəlməz halların baş verməsinin səbəblərindən biri də orta məktəblərdə valideynlərin özünüidarə qurumlarının olmamasıdır.

• Mart getdi, dərd getdi - Kababdan daha dadlı bitkilər
• Gəncədə halı pisləşən məktəbli VƏFAT ETDİ
• “Fransa cəmiyyəti dövlət İslamafobiyasına doğru gedir”