Xəbərlər

Yük və minik avtomobilləri toqquşdu, sərnişin öldü

16:34

31 mart 2022

Astarada ağır yol nəqliyyat hadisəsi baş verib.

APA TV-nin cənub bürosunun verdiyi məlumata görə, ötən gün gecə saatlarında rayonun Təngərüd kəndində qəza baş verib. Astaranın Vaqo kənd sakini, 1990-cı il təvəllüdlü Rüstəm Nadir oğlu Əzimovun idarə etdiyi "QAZ-66" ilə Astara şəhər sakini 1986-cı il təvəllüdlü Ramil Faiq oğlu Ramazanovun idarə etdiyi “Hyundai” markalı avtomobil toqquşub. Yük və minik avtomobillərinin toqquşması nəticəsində 37 yaşlı sərnişin ölüb.

Qəza nəticəsində "Hyundai"da olan sərnişin 1985-ci il təvəllüdlü Astara şəhər sakini Rahim Orucqulu oğlu Bəşirov aldığı xəsarətlərdən hadisə yerində dünyasını dəyişib. Onun meyiti müayinə olunmaq üçün Məhkəmə-Tibbi Ekspertiza və Pataloji Anatomiya Birliyinin Lənkəran şöbəsinə təhvil verilib. Mərhum evli idi, 2 övladı var.

Faktla bağlı araşdırma aparılır.

Tural Kərimov

Rövşən Əzimov

APA TV, Astara