Xəbərlər

Zəlzələ bölgəsində gecə-gündüz demədən işlədilər: 1 aydan sonra Vətəndə

16:10

17 mart 2023

Bakıda Türkiyədə baş vermiş zəlzələdə Azərbaycan könüllülərinin fəaliyyətinə dair mətbuat konfransı keçirilib.

Konfransda öncə zəzələ nəticəsində dünyasını dəyişən insanların xatirəsi bir dəqiqiəlik sükutla yad edilib. Daha sonra Azərbaycan Könüllü Təşkilatları İttifaqının baş katibi Vüqar Əliyev və ittifaqın digər nümayəndələri Türkiyədəki zəlzələdən sonra Azərbaycan könüllülərinin oradakı fəaliyyəti barədə geniş məlumat veriblər.

Azərbaycanlı könüllülər zəlzələ bölgəsində çox çətin şəraitin olmasına, dağılmış ərazilərə yetişməyin çətinliklərinə baxmayaraq, uzun yol qət edərək, zəlzələdən zərərçəkənlərin köməyinə çatıblar. Yüzlərlə zərərçəkmiş şəxsə yardım edən könüllülərdən biri olan Səma Orucova Zəlzələ bölgəsində yaşanan təsirli bir xatirəni dilə gətirdi.

Azərbaycan gənclərinin Türkiyədəki bu nəcib fəaliyyəti bir daha sübut edir ki, ölkə rəhbərliyinin könüllülülük fəaliyyətinə və könüllülərə daima diqqət və qayğısı nəticəsində Azərbaycanda geniş vüsət almış könüllülülük hərəkatı artıq daha geniş imkanlara sahibdir.

Qeyd edək ki, 200-dən çox Azərbaycan könüllüsünün Türkiyədəki fəaliyyəti bir ay davam edib.

Nərmin Murad

Həzrət Bayramlı

APA TV