Bu ilin yanvar-iyul aylarında Azərbaycandan xarici bazarlara 4,7 milyon ABŞ dolları dəyərində 531.33 ton çay ixrac edilib.
“APA-Economics” Dövlət Gömrük Komitəsinə istinadən xəbər verir ki, çay ixracı 2025-cü ilin yanvar-iyun ayları ilə müqayisədə dəyər ifadəsində 19,5%, həcm ifadəsində isə 23,3% artıb.
Hesabat dövründə ölkəyə 48,7 milyon ABŞ dolları dəyərində 8 124,63 ton çay idxal edilib ki, bu da ötən ilin müvafiq dövrü ilə müqayisədə dəyər ifadəsində 2,4%, həcm ifadəsində isə 3,4% artım deməkdir.
Qeyd edək ki, həmin dövrdə Azərbaycanda 6 537 ton çay istehsal edilib. Bu isə ötən ilin müvafiq dövrü ilə müqayisədə 1,9% azdır. Avqustun 1-i vəziyyətinə sənaye müəssisələrinin anbarlarında hazır məhsul ehtiyatı 174,1 ton təşkil edib.
Xatırladaq ki, cari ilin ilk 7 ayında çayın 1 kiloqramının orta ixrac qiyməti 8.8 manat, orta idxal qiyməti isə 6 manat təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
