Əmanətlərin Sığortalanması Fondunun (ADIF) icraçı direktoru Tural Piriyev, icraçı direktorun müavini Vüqar Abdullayev və Fond rəsmiləri müasir Azərbaycanın qurucusu və memarı, çoxəsrlik Azərbaycan tarixində əvəzedilməz xidmətləri ilə əbədiyaşar mövqe qazanmış ulu öndərimiz, Ümummilli lider Heydər Əliyevin vəfatının ildönümü ilə əlaqədar Fəxri xiyabanda onun məzarını ziyarət edib.
T. Piriyev və Fond rəsmiləri Heydər Əliyevin məzarı önünə gül dəstələri düzmüş, dahi şəxsiyyətə hörmət və ehtiramlarını bildirmişlər. Daha sonra Fondun icraçı direktoru və müavini Fəxri xiyabanda görkəmli oftalmoloq alim, akademik Zərifə Əliyevanın məzarını da ziyarət ediblər.