“2019-cu il ərzində Səhiyyə Nazirliyinin tabeliyində olan tibb müəssisələrinə 47 milyondan artıq müraciət olub, 712 min xəstə stasionar müalicəyə cəlb edilib. Bu il 8 minə yaxın insan reabilitasiya və sanator xidmətlərindən istifadə edib”.
APA-nın məlumatına görə, bu sözləri Səhiyyə Nazirliyinin ilin yekun kollegiya iclasında Tibbi Yardımın Təşkili Şöbəsinin müdiri Gülmirzə Poladov deyib.
O bildirib ki, bu ildə uşaqların 91 faizdən çoxu müayinələrə cəlb olunub: “Tibbi müayinədən keçirilən uşaqların 4 faizi sağlamlıq vəziyyətinə görə dispanser qeydiyyata götürülüb, 0,9 faizi isə ixtisaslaşdırılmış tibb müəssisələrinə hospitalizasiya olunub”.