Tiflis. Nizami Məmmədzadə - APA. “Qərbin təzyiqi Rusiyaya ciddi təsir edəcək, lakin Rusiya öz qərarından geri çəkilməyəcək”. APA-nın Gürcüstan bürosunun məlumatına görə, bu sözləri Gürcüstanın sabiq baş naziri Bidzina İvanişvili “İmedi” telekanalında çıxışı zamanı deyib. O bildirib ki, Ukraynanın ərazi bütövlüyü saxlanılmalıdır: “Hesab edirəm ki, Ukraynanın ərazi bütövlüyü saxlanılmalı və problem sülh yolu ilə olmalıdır. Lakin Rusiya Krım məsələsində bir addım da geri çəkilməyəcək və Qərbin təzyiqinə cavab olaraq özünün bütün resurslarından istifadə edəcək”.
B. İvanişvili Qərbin Rusiyanın Krımdakı hərəkətlərinə cavabının mötədil olacağını söyləyib: “Bu cavab 2008-ci ildə Gürcüstandakı duruma münasibətdən kəskin olacaq, lakin Rusiyanın geri çəkiləcəyi səviyyədə yox”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
