Bakı. Real Cəfərli - APA. İranın BMT-dəki daimi nümayəndəsi dəyişdirilib.
APA-nın İSNA-ya istinadən verdiyi məlumata görə, İran prezidentinin sərəncamı ilə bu vəzifəyə Həmid Abutalıbi təyin edilib. Bu postda o, 2007-ci ildən bəri İranın BMT-dəki daimi nümayəndəsi kimi fəaliyyət göstərən Məhəmməd Xəzaini əvəzləyib.
Qeyd edək ki, H.Abutalıbi Həsən Ruhani hökumətində vitse-prezident vəzifəsində çalışıb. Onun 56 yaşı var və diplomatik karyerasına 1979-cu il inqilabının ilk illərindən başlayıb. H.Abutalıbinin İranın ali dini lideri ilə münasibətlərinin yaxşı olduğu, İran Məsləhət Şurasının sədri, eks-prezident Əliəkbər Haşimi Rəfsəncaniyə yaxın bir kadr olduğu bildirilir. Eyni zamanda onun ABŞ-a viza problemi həll olunduqdan sonra gedəcəyi və yeni işinə başlayacağı vurğulanır.