Bakı. Rəşad Süleymanov - APA. Ukraynanın «Ukroboronprom» Dövlət Konserni sentyabr ayında Bakıda keçiriləcək ADEX-2014 müdafiə sənayesi sərgisinə BTR-4MV zirehli transportyorunu gətirməyi planlaşdırır. Bu barədə APA-ya «Ukroboronprom» Dövlət Konsernindən məlumat verilib.
Ukrayna hərbi sənayesinin son məhsullarından olan BTR-4MV Bakıda Azərbaycan və bölgə ölkələrindən olan yüksək rütbəli hərbi nümayəndə heyətlərinə əyani şəkildə nümayiş olunacaq.
Sərgiyə gətiriləcək BTR-4MV BM-7 «Parus» döyüş modulu ilə silahlandırılacaq.
«Ukroboronprom» nümayəndələrinin sözlərinə görə, hazırda bir neçə ölkəyə ixracı həyata keçirilən BTR-4 zirehli transportyorları Azərbaycana da təqdim edilib: «Lakin müəyyən səbəblərdən Azərbaycanla sövdələşməmiz alınmadı. Biz Azərbaycan tərəfinin gələcək seçimi ola biləcəyimizə inanırıq”.
Şirkət mütəxəssisləri hazırda BTR-4-ün Ukrayna silahlı qüvvələri tərəfindən ölkənin şərqində - Donetsk vilayətində separatçılarla döyüşlərdə istifadə olunduğunu, maşının praktik olaraq «imtahandan çıxdığını» bildiriblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
