APA-nın məlumatına görə, cari məsələlərin müzakirəsi zamanı deputat Fazil Mustafa təklif edib ki, istintaq təcridxanalarında saxlanılanların saxlanma müddətinin hesablanması ilə bağlı dəyişikliyə ehtiyac var.
O təklif edib ki, təcridxanalarda istintaq altında saxlanılanların bir günü iki gün hesablansın: “Bununla bağlı biz həbsdə saxlanılanlarla bağlı qanunvericiliyə dəyişiklik edə bilərik və humanizm prinsipindən yanaşdıqda, buna imkan da var”.