Bakı-APA. Əfqanıstanda Təhlükəsizliyə yardım üzrə beynəlxalq qüvvələrin hərbi kontingentinə (ISAF) məxsus helikopter ölkənin cənubundakı Zabol vilayətində qəzaya uğrayıb.
APA-nın “RİA Novosti”yə istinadən verdiyi xəbərə görə, insidentin baş verdiyi Şahcoy yaşayış məntəqəsinin icra başçısı Məhəmməd Seddik bildirib ki, helikopter göyərtəsində baş vermiş nasazlıq səbəbindən qəzaya uğrayıb. ISAF-ın mətbuat katibliyi faktı təsdiqləyib, lakin ekipajın taleyi barədə heç bir məlumat təqdim etməyib.
Qeyd edək ki, bir qədər əvvəl Əfqanıstanın cənubunda NATO-nun hərbi təyyarəsinin qəzaya uğraması nəticəsində 4 hərbçi ölüb. APA-nın “RİA Novosti”yə istinadən verdiyi xəbərə görə, bu barədə NATO-nun Kabildəki nümayəndəsi açıqlama verib.
İlkin məlumata görə, hadisə yerində silahlı dəstələrin fəallığı müşahidə olunmayıb. NATO-nun Kabildəki nümayəndəsi hadisənin təfərrüatları barədə heç bir açıqlama verməyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
