Bakı. Şəhriyar Əlizadə - APA. Bu gün Bakı Ağır Cinayətlər Məhkəməsində oğurluqda təqsirləndirilən dəstə üzvlərinin cinayət işi üzrə məhkəmə prosesi başa çatıb.
APA-nın məlumatına görə, prosesdə hökm oxunub. Hökmə əsasən, Tural Əsədov 9 il, Vüqar Əhmədov 4 il, Rafiq Məmmədov 4 il müddətinə azadlıqdan məhrum edilib.
Dəstənin digər üzvü Etibar Muradovun barəsində isə Cinayət Məcəlləsinin 70-ci (cəzanın şərti hesablanması) maddəsi tətbiq edilməklə məhkəmə zalından azadlığa buraxılıb.
Qeyd edək ki, onlar evlərdən və ofislərdən oğurluq etməkdə təqsirləndirilirlər.
Dəstə üzvləri Cinayət Məcəlləsinin 177-ci (oğurluq) maddəsinə əsasən, ittiham edilirlər.