Bakı. Fərid Mirzəyev – APA. Azərbaycan Dövlət Akademik Milli Dram Teatrının direktoru İsrafil İsrafilov Sandro Axmeteli adına Tiflis Dram Teatrının baş rejissoru İrakli Gogia ilə görüşüb. Teatrın mətbuat xidmətindən verilən məlumata görə, görüş zamanı ikitərəfli əlaqələrin inkişafı, qarşılıqlı qastrol səfərlərinin təşkili və başqa məsələlər ətrafında fikir mübadiləsi aparılıb.
İ. Gogia qeyd edib ki, SSRİ-nin dağılmasından sonra zəifləyən Gürcüstan və Azərbaycan teatrları arasındakı əlaqələr son illərdə inkişaf etməyə başlayıb.
Qonaq K.Marcanişvili adına Gürcüstan Dövlət Akademik Dram Teatrı və Şota Rustaveli adına Tiflis Dövlət Dram Teatrı ilə Akademik Milli Dram Teatrının mövcud əlaqələrini yüksək qiymətləndirib və əlavə edib ki, Azərbaycan müəlliflərinin əsərlərini, rejissorlarımızın quruluş verdiyi tamaşaları Gürcüstan teatrlarının səhnəsində görmək arzusundandır.
İ. Gogia eyni zamanda Gürcüstan və Estoniya teatrları arasında yaradılan qrupa Azərbaycanın da daxil olması, türkdilli ölkələrlə sıx əməkdaşlığın yaradılması təklifi ilə çıxış edib.
Görüşdə İ. İsrafilov irəli sürülən təkliflər müsbət qarşılayıb və qeyd edib ki, gələcəkdə həyata keçirilməsi planlaşdırılan layihələr iki qonşu ölkənin mədəni əlaqələrinin daha da inkişafına gətirib çıxaracaq.
İsrafil İsrafilov Tiflis Dram Teatrının baş rejissoru İrakli Gogia ilə görüşüb
04 noyabr 2015 14:44 (UTC +04:00)
İncəsənət
Azərbaycanlı rəssam Cahid Camala həsr olunmuş bədii albomun təqdimatı keçirilib - FOTO - VİDEO
10:00
4 may 2024
Fidan Hacıyevanın I Beynəlxalq Opera Festivalı çərçivəsində Gəncə Dövlət Filarmoniyasinda konserti olub - FOTO
22:38
3 may 2024
“Urbanda görüşərik” layihəsi çərçivəsində Məhəmməd Füzuli yad edilib - FOTO
23:41
2 may 2024
"Gəncədən Bakıya" layihəsi çərçivəsində növbəti konsert keçirilib
15:10
1 may 2024