BMT Baş katibinin humanitar məsələlər üzrə müavini və fövqəladə hallar üzrə koordinator Martin Qriffits Yaxın Şərqə səfər edəcək.
APA xəbər verir ki, bu barədə BMT rəsmisinin yaydığı bəyanatda qeyd olunub.
Bildirilib ki, blokadada olan Qəzza zolağına yardımın çatdırılması ilə bağlı danışıqlara dəstək vermək üçün o, Yaxın Şərqə səfər edəcək.
"Mən danışıqlar prosesində kömək etmək, baş verənləri görmək və hələ də orada olan, Qəzzada və İordan çayının qərb sahilindəki insanlara yardım edən minlərlə cəsarətli yardım işçiləri ilə həmrəy olduğumu ifadə etmək üçün sabah özüm regiona gedəcəyəm", - o, açıqlamasında bildirib.
BMT-nin humanitar ofisinin sözçüsü, Qriffitsin oktyabrın 17-də Qahirəyə gedəcəyini və bir neçə gün davam edəcək səfər çərçivəsində regionun digər nöqtələrinə baş çəkəcəyini bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
