İsrail hərbçiləri Suriyanın cənubundakı əl-Quneytra əyalətində bir neçə yaşayış məntəqəsinə daxil olaraq orada nəzarət-buraxılış məntəqələri qurublar.
APA xəbər verir ki, bu barədə Suriyanın SANA agentliyi məlumat yayıb.
Məlumatına görə, İsrail ordusunun bölmələri əl-Quneytra əyalətinin mərkəzi və cənub bölgələrində bir neçə kənd və qəsəbəni zəbt edərək, nəzarət-buraxılış məntəqələri yaradıb və mülki şəxslərdə axtarışlar aparıb.
Beş hərbi texnikadan ibarət karvan İsrailin işğalı altında olan Colan təpələri ilə sərhəddə yerləşən ər-Rafid şəhərinə daxil olub.
Digər bir karvan isə vilayətin mərkəzi hissəsində, Dəməşqdən 70 km aralıda yerləşən Ruveyhinə qəsəbəsinə doğru irəliləyib.
Hadisədən bir neçə saat sonra İsrail qüvvələri geri çəkilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
