Bakı. Türbət Bağırova - APA. Rusiya Suriyada vahid hərbi baza yaratmağı planlaşdırır.
APA-nın xəbərinə görə, bu barədə Rusiya Silahlı Qüvvələrinin Baş Qərargahının baş əməliyyat idarəsinin rəhbəri Andrey Kartapolov “Komsomolskaya pravda”ya müsahibəsində bildirib.
O qeyd edib ki, hərbi baza özündə dəniz, quru və hava qüvvələrinin komponentlərini birləşdirəcək.
Rusiya prezidentinin mətbuat katibi Dmitri Peskov isə jurnalistin A. Kartapolovun dedikləri ilə bağlı sualını belə cavablandırıb: “Siz baş qərargah rəisinin ali baş komandanın əmri olmadan belə qərar qəbul etdiyini demək istəyirsiz?”.
Qeyd edək ki, Rusiya hərbçiləri hazırda Latakiya yaxınlığındakı Hmeymim aerodromundan və Tartusdakı hərbi-dəniz donanmasının maddi-texniki məntəqəsindən istifadə edir.
Xatırladaq ki, Rusiya sentyabrın 30-dan başlayaraq Suriyada İŞİD-in mövqelərinə aviazərbələr endirir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
