Bakı-APA. Son sutka ərzində Tacikistan müdafiə nazirinin keçmiş müavini Abdulhalim Nazarzodanın 20 tərəfdarı həbs edilib.
APA-nın TASS agentliyinə istinadən verdiyi məlumata görə, bu barədə hüquq-mühafizə orqanlarındakı mənbə bildirib.
Onun sözlərinə görə, Abdulhalim Nazarzodanın tərəfdarlarından xeyli silah müsadirə edilib.
“Tək son sutka ərzində 15 Kalaşnikov avtomatı, 6 tapança, 1 qumbaraatan, 1 snayper tüfəng, çox sayda patron götürülüb”, deyə mənbə bildirib.
Qeyd edək ki, bundan əvvəl Abdulhalim Nazarzoda ölkədə baş verən silahlı hücumlarda əlinin olmadığı barədə bəyanat yayıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
