Atletika

Atletika

Sərbəst güləş üzrə Azərbaycan birinciliyində ilk günün nəticələri açıqlanıb

24 mart 2010 18:49 (UTC +04:00)

Bakı-APA. “Sərhədçi” İdman Olimpiya Mərkəzində sərbəst və yunan-Roma güləşi üzə yeniyetmələr və gənclər arasında Azərbaycan birinciliyi yarışlarının ikinci mərhələsi başlayıb. APA-nın məlumatına görə, martın 24-də sərbəst güləş üzrə 42, 46 və 50 kq çəki dərəcəsində 163 yeniyetmə güləşçi öz qüvvəsini sınayıb.

Çəki dərəcələri üzrə ilk üç yeri tutmuş idmançılar Azərbaycan Güləş Federasiyası tərəfindən müvafiq diplom, pul mükafatı və tam idman geyim dəsti ilə təltif olunur, həmin pəhləvanlar milli yığma komandanın heyətinə cəlb olunurlar:

42 kq
1. Ruslan Surxayev
2. Fərid İsmayılov
3. Xəqan Xəlilov
3. Ruslan Qasımov

46 kq
1. Mircəlal Həsənzadə
2. Məmməd Həsənov
3. İxtiyar Quliyev
3. Kənan Məmmədov

50 kq
1. Pərviz İbrahimov
2. Vaqif Qasımov
3. Asif Əliyev
3. Əbülfəz Verdiyev

Qeyde edək ki, martın 26-da turnirə ilk dəfə olaraq 38, 40, 43, 46, 49, 52, 56, 60, 65, 70 kq-a qədər çəki dərəcələrində yeniyetmə qızlar və 44, 48, 51, 55, 59, 63, 67, 72 kq-a qədər çəki dərəcələrində gənc qızlar da qoşulacaq.

Xatırladaq ki, ilk mərhələdə gənclərin həm sərbəst, həm də yunan-Roma güləşi üzrə yarışları, həmçinin yeniyetmələrin yunan-Roma güləşi üzrə yarışları keçirilib. Gənclərin yarışlarında ümumilikdə 510, yunan-Roma güləşi üzrə yeniyetmələrin yarışında isə 419 pəhləvan öz qüvvəsini sınayıb.

Martın 25-də yeniyetmələr 54, 58, 63 kq çəki dərəcələrində sərbəst güləşdə güclərini sınayacaqlar. Martın 26-da isə 26.03.2010 69, 76, 85, 100 kq çəki dərəcəsində sərbəst güləşçilərin mübarizəsi başlanır. Elə həmin gün 38, 40, 43, 46, 49, 52, 56, 60, 65, 70 kq çəki dərəcəsində yeniyetmə qızlar və 44, 48, 51, 55, 59, 63, 67, 72 kq çəki dərəcələrində gənc qızlar mübarizəyə qoşulacaqlar.