Bakı – APA. Sentyabrın 13-15-də Azərbaycan Hava və Ekstremal İdman Növləri Federasiyasının təşkilatçılığı və Gənclər və İdman Nazirliyinin dəstəyi ilə Siyəzən rayonunun inzibati ərazisində yerləşən Beşbarmaq dağında təbii qayalarda qayayadırmanma üzrə açıq respublika çempionatı keçiriləcək.
Azərbaycan Hava və Ekstremal İdman Növləri Federasiyasının (FAİREX) mətbuat xidmətindən APA-ya verilən məlumata görə, yarışda FAİREX-in “Salavat”, “Ekstralife”, “Şahdağ”, “Zirvə”, “Qaya Qartalları”, “Ekosport”, “Climber”, “Gənclik”, “AMEAST”, “Qərb Universiteti”, “Tanrıdağ”, “Gəncə”, “İrəli”, “Rockstone”, “Blackstone”, “Şəki”, “Kəpəz”, “Kyanit”, “Qafqaz” idman klublarının idmançıları iştirak edəcək.
100-dək idmançının qatılacağı yarış kişilər və qadınlar arasında üç mərhələdə (təsnifat, yarımfinal, final) keçiriləcək.
Qeyd edək ki, yarışda yerli idmançılarla yanaşı xarici ölkələrdən olan idmançıların da iştirakı gözlənilir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
